Sabtu, 27 April 2013

KAPAI DENAI BATANYO



Assalamu’alakum wr wb…
Sanak…
Salamo nangko kito basamo
Dari batagua-sapo, bagurau, jo baretong kito jalani,
Kok kamudiak lah sarantak galah, kok ka hilia lah sarangkuah dayuang
Kok nan samak lah mulai tarang, jiko kabua lah mulai jaleh
Itu dek karano kito lah sahondoh tundo di singka.

Tapi dek ambo kiniko sanak,
ado nan takilan-kilan dimato, ta kanang-kanang di hati
ibaraik bajalan bateh alun batando, kok balaia pulau alun mambayang
mungkin dek karano tinggi nan dicito, jauah nan dinanti.
Dek undang-undang sanak juo “itu katando kito iduik”
namun upayo indak buliah sudah, nan kakok indak buliah  baranti.

Mako kini ambo rantangkan kabakeh sanak ambo sadonyo
Indak tarago di rantang panjang, kito punta bianyo singkek.
Nan ambo :
Namo                        : Zaldi Heriwan
Gala                          : Kari mangkuto
Kakok                       : langkok-langkok bukan kumango, “wiraswasta” urang namokan
Urang tuo                : Ayah bagala S. Dt. Singo Gayua, Ibu banamo Djus’ar
Isteri                         : “Dr. Rozalinda, M.Ag” urang imbaukan.
Lahia sampai SD     :  di Kamang “Aua Parumahan” (Kamang Hilia), samanjak 29 Desember 1970
Sikola                       : di Sumatera Thawalib, “surau inyiak parabek” rang imbaukan 1984 s.d 1990
Kuliah                       : di IAIN Imam Bonjol Padang 1990 s.d 1996
Kini ambo babuek disampiang mancari nan kadapek pagi untuak sampai patang, ju ikuik sato di partai politik kecek urang kini.

Sabagai urang partai “Sekretaris Wilayah Partai Bulan Bintang Sumatera Barat” kawan-kawan manugehkan. Labiah-kurang 10 tahun ko ambo lah barada disiko. Babuek samampu diri, mangakok sa talok dek tangan, basamo jo kawan-kawan nan lain

Kini dek bakarano malang dek senior ambo Alm. Ir. H. Djonimar Boer baliau berpulang ka Rahmatullah pado tanggal 10 Januari 2013 mako ambo kini sadang manunggu titah dari pak Mantari Dalam Nagari “@Gamawan Fauzi” (Jikok rueh kok lai tibo di buku) untuak manjadi Anggota DPRD Propinsi Sumatera Barat nan tingga labiah kurang satahun lai.

Di sampiang nantun sanak,
Karano lah tibo pulo takok di jangkonyo, alek sakali limotahun (pemilu rang namokan), sabagai urang partai mako ambo mandaftar pulo sabagai salah surang calon DPRD Provinsi Sumatera Barat untuak bisuakko.

Lah di daftarkan di partai :
Nomor Partai             : 14
Namo Partai               : Partai Bulan Bintang
Daerah Pemilihan     :  Sumatera Barat 3 (Kab. Agam jo Kota Bukittinggi)
Nomor Urut Calon    : 1
Namo Calon               : Zaldi Heriwan

Namun tingga kini lai sanak…
Indak ka sampai cito-cito, indak kasampai bajalan ka bateh, indak kasampai balaia kapulau.
Jikok sanak lapehkan denai sorang, tataruang indak sanak tanai, tadoroang indak di ambek, ta rambau indak di tahan.
labiah dari itu sanak, denai pinto.
Tolong Pajaleh kabakeh denai sanak:
Garih paluruih tanam, Haluaan panantu arah, Bunyi panando pikek.
usah sanak biakan denai, takalai dek kakanyangan, Takalok dek kalamaan, talena dek kasanangan….

Untuak mampamudah sanak maingek-ngekan denai kito pakai media